Кырчын, 2026-жылдын 2-сентябры. VI Дүйнөлүк көчмөндөр оюндарынын алкагындагы «Көчмөндөр ааламы» этномаданий шаарчасында маданий-спорттук программа өтүп, улуттук спорттун түрлөрү, салттуу мелдештер жана күч сынашуулар көрсөтүлүүдө.
Кырчын жайлоосундагы спорттук аянтчада көрүүчүлөр чабандестердин, жаачылардын, балбандардын, балбан күчтүүлөрдүн жана бүркүтчүлөрдүн өнөрүнө күбө болушууда. Ошондой эле «Ордо» улуттук оюну, кыргыздын салттуу жаа атуу өнөрү жана бүркүт салуу боюнча мелдештер өтүүдө.
Мындан тышкары, таяктын тартышы (мас-рестлинг), аркан тартыш, сумо күрөшү жана стронгмен боюнча күч сынашуулар уюштурулду. Өзүнчө мелдеш катары омуртка сөөктү сындыруу боюнча таймаш өттү.
Спорттук программанын өзгөчө бөлүгүн алыс аралыкка ат чабыш түзүп, анда күлүк аттардын чыдамкайлыгы жана чабандестердин чеберчилиги сыналды.
Кырчындагы спорттук программа улуттук оюндарды, ат оюндарынын түрлөрүн, жаа атууну, күрөштү жана күч сынашууларды бириктирип, көчмөн элдердин байыркы спорттук салттарын кеңири таанытууга багытталды.
Мелдештердин жүрүшүнө жергиликтүү тургундар жана чет өлкөлүк коноктор кызыгуу менен күбө болушууда.
Мелдештин протоколдору боюнча
Ордо
