Дүйнөлүк көчмөндөр оюндарынын Эл аралык катчылыгы Азербайжандын улуттук спорт түрлөрү ассоциациясы менен Дүйнөлүк көчмөндөр оюндарын даярдоо жана өткөрүү боюнча өнөктөштүк келишимине кол койду. Документке Ассоциациянын президенти Кязым Ханлар оглу Гурбанов мырза менен кол коюлду. Келишимге ылайык: • Ассоциация Азербайжандын компетенттүү мамлекеттик органдары менен бирге Оюндарга катышуу үчүн улуттук делегацияны — спортчуларды, маданият жана илим өкүлдөрүн — түзүүгө ыйгарым укуктуу; • Ассоциация Азербайжанда Дүйнөлүк көчмөндөр оюндарынын Эл аралык катчылыгынын кызыкчылыктарын көздөп, делегациянын катышуусунун уюштуруу тартибин жана анын аккредитациясын камсыздайт; • Ассоциация делегацияны авиабилеттер, бирдиктүү экипировка жана тиешелүү логистика менен камсыздоо үчүн каражат тартуу милдеттенмесин өзүнө алат.
Мындай келишимдерди түзүү «Дүйнөлүк көчмөндөр оюндары» долбоорун өнүктүрүүдөгү негизги кадам болуп саналат. Ал туруктуу эл аралык кызматташтыкты көрсөтүп, катышуучу өлкөлөрдүн ишенимдүү жана текшерилген өнөктөштөрдүн негизиндеги катышуу системасын калыптандырат. Келишимдер системалуу мамиленин куралы болуп саналат: ар бир өнөктөш мамлекет өз өлкөсүн Дүйнөлүк көчмөндөр оюндарында татыктуу көрсөтүү үчүн ресурстарды жана тажрыйбаны бириктире алган абройлуу уюмдар аркылуу процесске тартылат.
Маалымат үчүн:
Азербайжандын улуттук спорт түрлөрү ассоциациясы — Азербайжандын улуттук жана салттуу спорт түрлөрүн сактоо, өнүктүрүү жана жайылтуу, спорт федерацияларынын жана клубдардын ишин координациялоо, мелдештерди уюштуруу жана өткөрүү, спортчуларды жана адистерди даярдоо, ошондой эле улуттук спорт түрлөрүн эл аралык деңгээлде көрсөтүү жана тиешелүү мамлекеттик жана коомдук түзүмдөр менен өз ара аракеттенүү боюнча иш жүргүзгөн коомдук уюм.